✅“Монгол-Оросын өсвөрийн геологичдын анхдугаар олимпиад” 2025 оны 6 дугаар сарын 28-наас 7 дугаар сарын 4-ний өдрүүдэд Монгол улсад анх удаа зохион байгуулагдах гэж байна. Тус олимпиадад хоёр орны 100 өсвөрийн геологичоос бүрдсэн 10 баг өрсөлдөх ба хоёр орны хүүхэд, залуучуудыг найзалж нөхөрлөх, эрдэс баялгийн салбарыг олон нийтэд сурталчлан таниулах, геологийн салбарын өсвөр үеийг бэлтгэж, хөгжүүлэхэд чухал ач холбогдолтой.
✅Олимпиадад оролцож буй хүүхдүүд эх орныхоо ирээдүйд хувь нэмрээ оруулсан, бэлтгэгдсэн боловсон хүчнүүд болох ба залуу үе нь ахмад үеийн геологичдын найдвартай залгамж халаа болох юм.
✅Монгол – Оросын өсвөрийн геологичдын анхдугаар олимпиадын нээлтэд Монгол Улсын УИХ-ын гишүүн Шадар сайд, Монгол-Оросын Засгийн газар хоорондын комиссын Монголын талын дарга С.АМАРСАЙХАН , ОХУ-ын Байгалийн нөөц, экологийн Сайд Александр Александрович КОЗЛОВ, Аж үйлдвэр, эрдэс баялгийн сайд Г. ДАМДИННЯМ, УИХ-ын гишүүн Б.УЯНГА нар оролцоно.
