Үндэсний геологийн албаны дарга Б.Мөнхтөр нь “Геологийн шинжлэх ухаан, техникийн хамтын ажиллагааны чиглэлээр хамтран ажиллах тухай Монгол Улсын Үндэсний геологийн алба, Их Британи, Умард Ирландын Нэгдсэн Хаант Улсын Судалгаа инновацын газрыг төлөөлж, Британийн геологийн алба хоорондын харилцан ойлголцлын санамж бичиг” байгуулахад үнэтэй хувь нэмэр оруулсан Жавхлант Хааны Элчин сайд Ф.Блайтад талархал илэрхийлж, Британийн геологийн албатай гео гамшиг, хот төлөвлөлт, дэд бүтцийн инженер геологийн чиглэлээр хамтран ажиллах талаар санал солилцлоо. Мөн түүнчлэн Британийн геологийн албатай техникийн хамтын ажиллагааны төсөл хөтөлбөр хэрэгжүүлэх, газрын ховор элементийн хамтарсан судалгааны ажил хийх асуудлуудыг хөндсөн болно.
